Pena Ndriçimtare

Kultura

Pena Ndriçimtare

Më: 6 qershor 2020 Në ora: 20:15
Vjollca Aliu
Asnjëherë s'të lëshova vendi im
As kur ndjeva dhimbje, as kur ndjeva gëzim
Se Ty dhe mua na lidhte toka-gjaku
Në të mirë e në të keqe tek Ti gjej motivim.

Kam shkruar për lumturinë dhe mërzinë
Hapërova me dhimbje, e shpreha dashurinë
Durova goditjet e pranova përqafimet
Asnjëherë e përulur, mbajta madhështinë.

Dielli kur rrezatonte ia kisha lakmi
Çdo rreze m'bëhej varg në timen poezi
Pena m'u shndrit e mendja m'u ndriçua
Për herën e parë thura rubai.
commentFirst article
Sot mund të lexoni Shfletoni kopertinat