Parajsa je ti - Bota Sot
Parajsa je ti

Kultura

Parajsa je ti

Nga: Vjollca Aliu Më: 20 qershor 2020 Në ora: 21:06
Vjollca Aliu

Në kopshtin e trëndafilave të kërkoj
Mes petaleve shumngjyrëshe je fshehur TI
Aromkëndshmja e parajsës së amshuar
Bukuria e paparë, tulipan me ar praruar.

Me rrjedhën e lumit vrapoj të të gjej
Të kërkoj në gurgullimë uji lumenjsh
Kërkoj buzëqeshjen Tënde, harenë
E qeshjen ujvarbardhë mes nesh.

Buzë liqenit rri si pulëbardhë
Të pres në kthim, bashkë me anijet
Spirancë kam mbetur në pritje

Por muzgu mbulon liqenin, prap pa Ty.

Maleve shtegtoj si shqiponjë
Të kërkoj midis pishave, mos aty ke mbetë
Gjaku, oksigjeni im i pashterrur
Midis maleve, nga lart më mbushë jetë.

Albumet e fotografive shfletoj
Të mbushem jetë, gjallëri
Sytë e Tu m'flasin, fytyra Jote m'thotë:
"Nga parajsa të mbroj unë moj bijë!"

Ëndërroj sikur bashkë me Ty flej
Në përqafimin Tënd, bashkë me hënën
Por prap zgjohem e vetme, pa Ty
Me dashurinë e mallin e pashuar për Nënën.

Shfaq komentet
comments powered by Disqus
Sot mund të lexoni Shfletoni kopertinat