Recital i Dardanit - Bota Sot
Recital i Dardanit

Kultura

Recital i Dardanit

Nga: Atdhe Geci Më: 22 qershor 2020 Në ora: 22:07
Atdhe Geci

Kosovë Dardane bjeri heshtjes

që heshtë, këndo me sa fuqi ke

bjeri kitares me të tëra oktavat

në dhomë, në banjo, në balkon

këndo nëpër të gjitha shtëpitë

mbushi rrugët me veten tënde

të dëgjoj toka e të dëgjoj qielli

këndo te të mbjellat tua, bërtit,

dhe mbushe gojën me thirrje

ngrite zërin e përbashkimit tënd

nëpër qytete dhe fshatra, këndo

me sa fuqi ke, dhe bjeri kitares

një atdhe kemi kudo shqiptarët

Shqipëri pellazge, ilire, epirote

jemi në dy çaste të kohës, nxito

që nga paleoliti dhe deri më sot

fal gjuhës, shkrimit, të folmes

një Atdhe janë trojet shqiptare!

Shfaq komentet
comments powered by Disqus
Sot mund të lexoni Shfletoni kopertinat