Kujtimet e fëmijërisë për atë tokë "matanë" kufirit
ruhen në mendje si prushi mbuluar me hi bliri;
dhimbja, as malli s'pushojnë për ato faqemali
luginat me shkëmbinj parasysh më dalin
bashkë me lodrat që luanim në vërri
dhe ogiçet me këmborë tufave tuj u pri.
Varret nën lisa si libri në dorëshkrim
të rrafshuar presin kohë që do të vijë,
t'i gjykojnë dy gishtërinjtë e 81 kuvendarëve
që lanë jashtë kufirit gjak e tokë të të parëve..