Ku je, dashuri?!...

Kultura

Ku je, dashuri?!...

Nga: Zymer Mehani Më: 9 gusht 2020 Në ora: 06:43
Zymer Mehani

Je në zemrat djaloshare
Dhe të vashave mitare

Je në çantën e shkollarit
Dhe në pushkën e ushtarit

Je në penën e poetit
Dhe në val’t e bardha t'detit

Je në flatrat e shqiponjës
Dhe në besë të Antigonës

Je në duart punëtore
Dhe në viset stërgjyshore

Je kudo në faqe t'librit
Dhe në brigje t'Llapit, t'Ibrit

Je në shpatë të Skënderbeut
Dhe në emrin e Atdheut

Je në flamur të Shqiptarëve
Dhe në Kulla të Jasharëve

Je në besën e qëndresës
Dhe në pushkë t'Abedin Rexhës

Je në thinja të Anton Çettës
Në gërshetat e Ylfetes

Je në zemër t'Nënë Terezës-
Për të varfërit dritë e shpresës

Je në çerdhet e Shqiponjës
Dhe në ballin e Kosovës

Je në gjakun e dëshmorëve
Dhe në djersë të minatorëve

Je në fjalë të arsimtarit
Dhe në emrat e ditarit

Je në fletë të trëndafilit
Dhe në zërin e trishtilit

Je në lodrat e vogëlushëve
Dhe në çerdhet e gushëkuqëve

Je në ledhatime t'nënës
Dhe në rreze t'diellit, t'hënës

Je në penën e Naimit
Dhe në këngën e bilbilit

Je në male plot me gurë
Dhe te Shqipja në Flamur

Je në zemër t'xha Zymerit
S’ju gënjej, për fjalë të nderit

Shfaq komentet
comments powered by Disqus
Sot mund të lexoni Shfletoni kopertinat