Nëpër jetën tonë kaloi e tërë ajo luftë
jemi të mbijetuar të dashurisë për ty
lulet e jetës nuk janë të lehta të kapen
toka dardane as s´blihet e as s´ shitet
Tre Drina rrjedhin tokës së Shqipërisë
të tre Drinat bartin flamuj të ndryshëm
tre Drina flasin me pasaporta mes vete
tre Drinat i thërrasin ndërgjegjjes sonë
Kosovë, fol si në kohët e kryeherit tënd,
si në kohën e Selman trimit nga Rogana,
Atdheu s´jept e as s´dhurohet për asgjë
Kosova njeh vetëm flamurin kombëtar
Kosovë, je koha jonë e shenjtë, je Troja
gjaklindësja e një jete tepër heroike, je
gjevahir i kombit, je shtëpia jonë e lirisë
po ku i gjete ata zhgana t´vendosi për ty
Qemë shumë duar e tani s´ di sa jemi
pyes, ku mbetën mësuesi dhe studenti
pse heshtin akademia dhe univerzitetet
ku treti hiri i zotave pellazgë e dardanë!?
