Sot (e martë) ka ndërruar jetë edhe këngëtari i njohur i folklorit shqiptar, Isë Llapqeva, në moshën 76 vjeçare.
Lajmin e ka bërë të ditur në rrjetin social, Facebook, vëllai i tij njëherësh këngëtari, Hamz Llapqeva.
Ai po ashtu njofton se varrimi i të ndjerit do bëhet ditën e sotme në varrezat e Prizrenit.
Ky është njoftimi i tij i plotë (pa ndërhyrje):
“Njoftim:
Miq dhe dashamirë tē nderuar, ju njoftojmë me pikellim te thell se sot me datë 15 shtator 2020 në moshēn 76 vjeqare vdiq Vllau, Prindi ynë: Isë Imer Llapqeva.
Varrimi do të bëhet sot me 15 shtator ditë e marte në ora 16;00 me Iqindi në varrezat e Prizrenit.
Me dhimbje të thellē Familja Llapqeva”.
Isë Llapqeva ndërkohë në vitin 2014 publikoi albumin “Lavdi, Lavdi, Lavdi Legjendave Kombëtare”, kurse “Odat tona janë kanë shkolla”, mbetet projekti i fundit që e lansoi më 10 janar të vitit 2020.
