Një dy tre...(Niles në ditëlindjen e tretë)

Kultura

Një dy tre...(Niles në ditëlindjen e tretë)

Nga: Dibran Demaku Më: 18 shtator 2020 Në ora: 22:53
Dibran Demaku

Një dy tre dhe e merr vrapin
një dy tre dhe nuk e ndal hapin
një dy tre ëmbël troket në jetë
e gëzon gjyshin në moshën e tretë

Një dy tre dhe dielli nxjerr syrin
një dy tre Nilen puth në faqe
një dy tre jeta e hap dryrin
në qukat e Niles qelin manushaqe

Një dy tre mami e sheh orën
një dy tre babi nis buzëqeshë
një dy tre Niles i shtrëngojnë dorën
i pëshpërisin ëmbël diç në veshë

Një dy tre gjyshja gatuan tortën
një dy tre daja shkruan urimin
një dy tre të gjithë cakërrojnë gotën
në ditëlindjen e Niles ujisin gëzimin...



...dhe sot:


Gëzuar për shumë mote
(Nilës në ditëlindjen e katërt)

Mirëmëngjesi Nila
në këtë ditë të veçantë
një tubë trëndafila
në gëzimin tënd

Festa nis merr flatër
në një degë limoni
në ditëlindjen e katër
të uron dhe vëlla Joni

Është i vogël sa një grusht
si ëngjëll si reshje
me sytë e zez si rrusht
kur të falë buzëqeshje

Gu gu gutë e tij si pëllumbi
dhe buzëqeshja jote
rrjedhë uji si valë lumi
gëzuar për shumë mote...

commentFirst article
Sot mund të lexoni Shfletoni kopertinat