Tashmë fama e tij është përhapur në gjithë kontinentet dhe megjithatë ai mbetet një artist i thjeshtë, atdhedashës dhe korrekt. Puna është kryefjala e tij në çdo bisedë. Sipas tij balerinët shqiptarë janë ndër më të mirët në botë dhe kudo që ata kanë shkuar, kanë treguar talent dhe nivel të lartë artistik. Në këtë bisedë balerini modern flet për një projekt baleti në kuadër të muajit Gjerman të baletit, me rastin e 250- vjetorit të lindjes së kompozitorit Ludwig Van Beethoven-it, një nga gjenitë e botës, i cili është frymëzuesi i shumë artistëve, dhe jo vetëm. Me rastin e përvjetorit të tij, Andrea dhe grupi i tij i baletit nën regjinë e një regjisori gjerman, kanë menduar ta rikthejmë në kujtesë të publikut shqiptar , ndaj i kanë dedikuar një projekt dy javor, në shenjë të respektit të muzikës së kompozitorit të madh. Andrea ka disa vjet që punon në Berlin me disa projekte baleti dhe ka korrur sukses të madh ndaj dhe pëlqehet shumë nga publiku vendas.
Përse ka ardhur këto ditë në Tiranë Andrea? Flitet për një situatë të vështirë Pandemie ku arti ka një staniacion. Keni ndonjë projekt?
Po. Një projekt i grupit tim të baletit që funksionon në Berlin me regjisor gjerman. Dhe pse kjo situate, ne duhet të veprojmë që ta lehtësojmë stresin njerëzor, ndaj menduam që pas Berlinit të vijmë në Tiranë. Ja përshkrimi dhe qëllimi i projektit: Në kuadër të zhvillimit të arteve bashkëkohore në nivele rajonale dhe ndërkombëtare në dimensione të reja dhe gjuhë të ndryshme që identifikojnë dhe shprehin tematika sociale dhe ndjesi reflektimi. “Tirana International Music Dance Theater Festival”, një projekt i cili do të realizohet në kuadër të muajit Gjerman të artit, me rastin e 250 -vjetorit të lindjes së kompozitorit Ludwig van Beethoven-it, një nga gjenitë e botës, i cili është frymëzuesi i shumë artisteve, dhe jo vetëm. Me rastin e përvjetorit të tij, kemi menduar ta rikthejmë në kujtesë dhe dedikuar një erms dy javor, në shenjë të muzikës së kompozitorit të madh.
Sa do të zgjasë ky projekt?
Projekti në fjalë do të jetë një përvojë dy javore e Festivalit të Hapur, me një program të vlefshëm, i cili do të kontribuojë në hapjen e Tiranës ndaj kulturave të tjera dhe festimin e shkëmbimit midis kulturave të ndryshme. Ky festival i jep publikut mundësinë për të provuar forma arti, si Muzika, Kërcimi dhe Teatri, në hapësirat e përditshme të përdorura publike duke i sjellë ato jashtë konteksteve të tyre zyrtare.
TIMDTF, gjithashtu do të na ofrojnë dhe të na kujtojnë bukuritë në zonat e fshehura të qytetit, duke gjeneruar një plan shumë se si t’i qaseni secilit vend në rrethanat specifike të angazhimit të atyre formave të artit, rreth arkitekturës së secilit vend, apo lagje historike. Ku publiku do ti zbulojë, ti rishikojë ato do t’i përqafojë ato.
Po qëllimi kryesor i projektit?
Festivali ka për qëllim të bëhet pjesë në jetën e përditshme të banorëve të Tiranës: duke paraqitur shfaqje në të gjithë qytetin, në hapësira të hapura publike, siç është bulevardi apo sheshi qendror, lagjet, Amfiteatri i hapur dhe të gjitha zonat e tij përreth liqenit.
Objektivat e projektit: Prodhimi i një Festivali Ndërkombëtar të përvitshëm në Tiranë i cili do të jetë mikpritës, me mendje të hapur, me ngjyra dialogu dhe mikpritjes. Të stimulojë skenën kulturore dhe të kontribuojë në zhvillimin lokal socio-ekonomik ndër vite. Të promovojë zhvillimin kulturor turistik. Të kontribuojë në hapjen e Tiranës ndaj kulturave të tjera. Për të bashkuar një ngjarje unifikuese që promovon energji midis artistëve të ndryshëm të përfshirë. Për të lehtësuar integrimin dhe lidhjet më të ngushta midis bashkësive të ndryshme lokale. Për të forcuar identitetin dhe ndjenjën e përkatësisë së popullatës. Të inkurajojë zbulimin e artistëve të rinj. Për të marrë pjesë aktive në zhvillimin e lagjeve dytësore. Të inkurajojë ndërveprimin midis Tiranës dhe rajoneve të tjera në botë.
Cilët janë regjisorë dhe koreografë të këtij projekti interesant?
Regjia dhe Koreografia nga Xeni Alexandrou. Aktiviteti “Beethoven unterwegs”, është një shfaqje me fragmente të Quartetto seriosos (op.95) nga Ludwig van Beethoven, dhe do të realizohet në hapësirat e zgjedhura publike në Tiranë. Shfaqja në fjalë është konceptuar për një instalim koreografik muzikor në qytet nga Xeni Alexandrou (DE), pjesë e të cilës do të performojnë katër instrumentistë shqiptarë.
Regjia nga Peter Stamer. Aktiviteti “On Truth and Lie in an Extra-Moral Sense", do të ketë të ftuar regjisorin z. Peter Stamer (DE) dhe z. Frank Willems (DE).
Në program kemi dhe Artisten më të re në moshë, Najra Qato (21) që është ende në Universitet duke studiuar Kanto. Unë vetë e përgëzova znj. Fico/mjeshtre korit, për mundësinë që i jepet dhe të rinjve në skenë.
Mendoni se do keni sukses me këtë situatë?
Patjetër. Baleti modern sot ka një përkrahje të gjerë. E them me bindje se ka shpresa dhe mundësira suksesi dhe antistresi, pavarësisht situatës. Mbase një frymëmarrje e thellë. Mbase një mesazh pozitiv.
