Me kohë dhe humori
ka marrë tjetër erë,
keni parë gomar
të qeshë ndonjëherë?!
Më lehtë do të bësh
një portret ariu,
sesa një buzëqeshje
në fytyrë njeriu!
Ku u tret shakaja
që ndriti në nur?
Se ç’na zu belaja
s’qeshim si dikur!
Se jemi shteruar
nuk e marr me mend,
edhe sot mes nesh
gazmorja ka vend!
Jemi si jemi
lumi seç na mori,
po gaz ende kemi,
Rron ende humori!
(Marrë nga libri i anatemuar “Kur të qeshë fati”, botuar në edicion të “Fjalës”, Prishtinë,1994, autor i të cilës u nxor në gjyq 28 herë për 5 vjet rresht, duke u akuzuar nga Gjykata komunale e Bujanocit, se me poezinë “Me shajkaçe në Evropë”, kinse paska vënë në tallje dhe qesëndi kombet dhe kombësitë në ish Jugosllavi)
