Do i paguani një ditë të gjitha
Ju që krekoseni me lëvdatat fallco të -pavlera
Për mëkatet tuaja të mëdha
Për buzëqëshjet tuaja e pështira
Për fjalët që janë vetëm gënjeshtra.
Keni me i pague
Torturat e vrasjet mizore me zemrën e djallit
Për pritat e plaçkitjet tinzare në pabesi
Për pasuritë e paligjshme në kurriz të sovranit
Për lotët e nënave qe pikojnë si bora në qershor duke u shkrirë.
Keni me i pague të gjitha
Ju bastardë kuislingë
që vratë trimat pas lufte, pas shpine
Gjaku i tyre nuk është verë në gotë që të pihet
Do ju ndjekë mallkimi e amaneti i tyre nëpër vite.
Për amantetin e madh të diellit me rreze lirie
Keni me i pague të gjitha
Ju, matrapazët e profeterit e lirisë
Ju që shqyeni gurrmazin me fjalë tribunash mburravece
Ju mëkatarë që jeni ulur në sofrat banditeske
Ju që i latë fëmijët jetimë në rrugë të largëta jete.