Ah, Gjakovë, Gjakova ime!

Kur të vij kohë e bukur kur të vij

e t’i lëshoj sytë o lis i gjallë,

të përqafoj me mallin

të shpaloj zemrën n’kujtim kur të vij.

T’i shoh zogjtë aty n’Çabrat

ta dëgjoj këngën e Drinit Plak,

t’i shoh lulet me erë lirie

kur të vij ah kur të vij.

Kur të vij te ti

e të shikoj me sytë e tu,

të preki tëndin të ëmblin dhe

ta shoh shqipen n’Pashtrik e ti ndër ne.

T’i shoh plagët e tua n’shërim

arat e bukura ,

varret me gjak lirie

eh Gjakovë Gjakova ime.

Kur të vij Gjakovë te ti kur të vi

të shoh me sy si ndonjëherë,

të përqafoj me mall çdo rrugicë

e t’i laj sytë n’tëndin Erenik.

T’i shoh varret që heshtas rrijnë

që i rriti djepi ai djep Kosove,

ah Gjakovë Gjakova ime.

Eh sa mall kam të shoh në sy

të shoh ty lulëkuqe me aromë,

e ujitur me gjak gjak të njomë.

Të shoh varret me gjelbërime

ta shoh pranverën tënde n’agim,

të shoh Gjakovë dashurinë time

eh Gjakovë Gjakova ime.

Sa më ka marr malli Gjakova ime

ti përkujtoj ato të dashurat kujtime,

dashurinë e ëmbël të rinisë sime

ah, Gjakovë, Gjakova ime!