Ike Petraq Floku në përjetësi
Gjurmë të bukura le në jetë
Jam krenarë që të kisha mik
Ti ishe shok e mik i vërtetë.
Mësues i talentuar zellëshumë
Shkrimtar i mirë me penë të mprehtë
Si recitues sharmant erdhe tek unë
Dy herë rresht në timin aktivitet.
Gazetar me shije, penëhollë
Kryeredaktor në gazetën “Dajti”
Shkrimet e tu flakërojnë si meteorë
Koha të vërtetat e tyre mbajti.
Muzikant dhe artist me kapacitet
Mbi të gjithe ishe dhe mbete Njeri
Çdo shenjë që le pas, për ty, o mik, flet,
Çdo hap që hodhe përcolli dashuri.
Do ikin vitet, koha rrjedh si lumi
Tek miqtë ti mbete në shpirt e zemër
Këto vargje t’i thura me dashuri prej miku
Gjurmët e tua ndjekin tëndin emër…