Është një arsye
përse ndodhin gjërat
Edhe pse e kemi vështirë
të ballafaqohemi me pritjen
dhe të papriturat
Është një ngjyrim zëri
apo një fjalë zemre
që ndryshon rrahjen e zemrës së dikujt
Është një shpresë
që ka fuqinë e përjetshme
mbështetur në forcën e besimit
për betimin e dhënë
Janë kujtimet
me ndjenjë të veçantë
ku përmes lotëve
lehtësojmë rrugëtimin
nëpër plagët e jetës
Gjithmonë është një vështrim
që pasqyron shumë
Dhe në vete bartë thesarin
me plotë fshehtësi
Ka persona të cilëve
u themi lamtumirë me fjalë
por në zemër i mbajmë përgjithmonë
Gjithmonë ka orë
dhe momente të veçanta
në jetën tonë
që bartin me vete roman jete...
Gjithmonë.....
