Kur të jesh mërzitur shumë

Kultura

Kur të jesh mërzitur shumë

Nga: Dibran Demaku Më: 16 shtator 2021 Në ora: 15:26
Dibran Demaku

 

Kur të jesh mërzitur shumë
për një fjalë a për një prehje
unë do të jem shndërruar në lumë
që rrjedh shtratit e shuan...etje...

Sykaltëroshe

për një shenjë krejt teknike
le peng ndjenjën edhe ike
kokëfortësi do thoja boshe
për një ëndërr sykaltëroshe...

Ethet

gjithë çfarë bëre e bëre për vete
dashuria ishte si një lule jete
veçse edhe lules një ditë i bijnë gjethet
dhe kujton rininë mbërthyer nga ethet...

Mungesë

mungesën tënde fare nuk e vërejtën
as miqtë e rinj e as miqtë e vjetër
se të donin pa mëshirë të rrejtën
gjersa gjurmonin dashurinë tjetër...

Heshtja

pastaj nisi heshtje e rënd
e gjatë e hidhët  vrastare
lot i ngrirë në syrin tënd
dhe qiell i errët në dritare...

Vrimat

dikush folur ka keq
vargun e hëngër një dreq
lëngojnë metaforat rimat
gardhit s'i mbyllen vrimat...

Buzëqeshje

nëse vargjet për ty
vijnë si shi vijnë si reshje
desha që në tëndin sy
të ketë diell të ketë buzëqeshje...

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat