Prof. Bajram Jahiri ardhmëria e madhështisë së arsimit shqip dhe zgjimit kombëtar!

Kultura

Prof. Bajram Jahiri ardhmëria e madhështisë së arsimit shqip dhe zgjimit kombëtar!

Nga: Sami Arifi Më: 12 nëntor 2021 Në ora: 21:51
Sami Arifi

Prof. Bajram Jahiri u lind më 1946 në fshatin Vërban, shkollën fillore katër vjeçare e filloi në fshatin e lindjes, ndërsa tetë vjeçaren e përfundojë në fshatin Gushicë, kurse shkollën e mesme Normale e mbaroi në Gjilan më 1964/65. Fillimisht si i ri fillojë punën në shkollën fillore në fshatin Gushicë si mësimdhënës i lëndëve kimi, biologji dhe fizikë. Prof. Bajrami pa shkëputje nga puna vazhdoi Shkollën e Lartë Pedagogjike në Prizren, meqë kjo Shkollë (SHLP) ishte mbyllë, ai vazhdoi dhe i përfundojë studimet në Prishtinë në vitin 1974.

Pas një pune tetëmujore që kishte punuar prof. Bajrami si sekretar në Bashkësin e Arsimit në Viti, ai për shkak të parregullsive që bënin në këtë institucion të komunës për ndarjen e bursave pa kriter për studentë, ai në shenjë paknaqësie dha dorheqje dhe i’u kthye punës në Gjimnazin, atëherë të ashtquajtur “Boro e Ramizi” tashmë quhet “Kuvendi i Lezhës” në Viti, ku, punojë gjatë tërë jetës ë tij profesor i lëndës së kimisë në “tempullin e diturisë” deri në kohën e pensionit.

Profesor Bajram Jahiri ishte i përkushtuar në ardhmërinë e madhështisë në arsimin shqip dhe në zgjimin kombëtar te gjeneratat e reja, pushteti i atëhershëm e mori shumëherë në të ashtquajtura “biseda informative” nuk e lejuan të punojë në procesin edukativo-arsimor, por e detyruan të punojë në administratën e shkollës si referent. Prof Bajram Jahiri ishte ndër të parët që reagonte zëshëm aty ku senohej edhe ajo pak e mbetur autonomi e Kosovës nga Serbia përmes ndryshimeve kushtetuese në neni 45, që nga pala e mësimdhënësve shqiptar në QSH “Boro e Ramizi”, ky nen nuk u pranua kurrë.

Image
Bajram Jahiri

Kundërshtimet e prof. Bajram Jahirit ishin të parreshtura ndaj okupatorit serb që përbinte çdo gjë shqiptare, prandaj duke parë qëndrimin e tij qytetarët e komunës së Vitisë, edhe se ishte në mosh, ai ishte proferor i profesorëve përnga mosha, prof Bajrami u zgjodh kryetar i parë i Sindikatës së Pavarur të Kosovës në komunën e Vitisë për t’u shkëputë njëherë e përgjithmonë nga integrimi i sindikatës së Serbisë.

Prof. Bajram Jahiri, pasi që okupatori serb i largojë nxënësit dhe mësimdhënësit nga objektet shkollore, ishte për nëntë vite udhheqës i punktit të mbi 250 nxënësve në fshatin Vërban, për të cilën punë qëndroi i pamposhtur nga policia serbe në biseda informative edhe se ishte së tepërmi i keqtrajtuar.

Prof. Bajrami pas çlirimit të RK-së ishte zgjedhur asamlist në kuvendin e Vitisë dhe kryetar i grupit të LDK-së, në këtë kuvend, një herë antar i kryesisë së LDK-së së degës në Viti, gjithashtu ai ishte zgjedhur tri herë delegat i Kuvendit Zgjedhor në Kuvendin Qendror të LDK-së në Prishtinë.

Prof. bajram Jahiri nga vitin 1999 është zgjedhur drejtor i Gjimnazit tashmë të quajtur “Kuvendi i Lezhës” në Viti, i cili vazhdoj punën për dhjetë vite me sukses të madh në drejtimin e këtij “tempulli të diturisë”, ai pas luftës për një mandat katërvjeçar ishte edhe asamblist i Asociacionit të Komunave të RK-së.

Prof. Bajram Jahiri tashmë në moshën mbi 75 vjeçare gëzon një respekt të veçanët në popull për punën e tij të bërë shumëdimensionale në shërbim të kauzës së madhe kombëtare. Profit Bajram i dëshirojmë shëndet, suksese, gëzime dhe jetë të gjatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat