Eci nëpër Rugovë e Kosovë

Kultura

Eci nëpër Rugovë e Kosovë

Nga: Idriz Çelaj Më: 13 maj 2022 Në ora: 22:04
Idriz Çelaj

S`ka kthim

Edhe nëse e takoj ferrin

Aty jemi çelnikosur

Në heronj të dheut e atdheut

Lindjen e kami pasur fat

Me ia fal Rugovës e Kosovës

Me i mbetë peng

Ndoshta ishte vetëm fjalë e shenjtë

Nëpër ëndrra ika

Ma s`ka kthim

Edhe nëse e takoj ferrin

RRJEDHË LUMBARDHI

Fjalët më rrjedhin

Lumbardhit trim

Si atëherë kur dhembja

Bëhej lot

Varg të dritës

më bëhet jeta

Dhe këngë e kujtimeve

Për luftëtarin Çel Shabanin

e Zhuj Selmanin.

VETËM SONTE

Ëndrrën kthema

Vetëm sonte

Të zgjatet nata

Kurrë të mos këtë

fund

Sonte bëj si di vet

Pastaj mbushni lumënjtë

Mos e zhgënjeni tokën

Në Ditën e re

U zgjova ëndrrën

Për dritën e diellit

Ta ruaj e ta mbaj

Si kujtimin për perëndeshat

ZGJUAR

Cila penë rri sonte zgjuar

Vargje t`i krijoj për hutën

Se nuk e falim Çakorrin

Të kishim det

Do të ia trazonim valët

Sytë s`do i lëmë të fjetur

S`ka gjumë për lirinë

As për dashurinë

Më thonë zanat e Rugovës sime.

MAGJIKE

Shpresa e ëmbël

Sa magjike si fjalë

Si dashuri ngjallë shpresë

Jep jetë për secilin njeri

Vetëm luftëtari s`vdes

Askush nuk vdes nga stuhitë

Edhe pse të vrasin

Atëherë kur të buzëqeshin

Me fjalët e mjalta

Nga goja apokalitike.

Idriz Çelaj

KOHA E THINJAVE

Tani kohën e mas

Me thinjat e mia

Asnjëherë nuk e mati

Me orë

Matje pa asnjë vlerë

E pakuptimtë

Pa kuptim

Jetën e mati me historinë

Zhukë Haxhia e Bajram Kelmendi

Nuk do e mas me orë

Me plagët e Gjergj Elez Alisë

Me mijëra vjet ferri

Me kullat e Azem Bejtës dhe Adem Jasharit

Orën e mati me Bjeshkët e Rugovës

Që jetën e falën e Çakorrin e rujtën në zemër.

UNË

Unë jetoj larg

Por ma shumë jetoj afër

Se qyteti im ma ka marr zemrën

Është ndezur flakë burëria ime këtu

I ka thinjat e mia

Shpirtin e lënë peng

Për fitoret e lirisë

Unë dhe qyteti im

I thurim së bashku ëndrrat.

NJË COPË ATDHE

Dua të mbjelli lumturi

Në një copë atdheu

Me fytyra heronjësh

Dhe me çlirimtarë

Një copë paqe

Dhe një copë ëndërr

Më i ba bashkë të dyja

Më i thurë lavde lirisë

Lumturinë më e gjetë diku

Në eshtrat e luftëtarëve të Çakorrit

Që jetën e falën e tokën nuk e fallen

Për asgjë në jetë

As edhe për dritën e diellit

Së ata u bënë drita e diellit tim.

EH PAQË

Duam të mbjellim paqë

Lumturinë ku më e marr

Pasha një tokë Çakorri që dikur ekzistonte

Ku e matësha burrninë time

Ma thoshte babi im rugovas

Në secilin cep atdheu mbjell paqë.

HE NJERI

E do me zemër diellin

Atdheun e di që e do

Nga frika e ferrit

Ti jeto

T`i di dëshirat

Dashuritë askush s`t`i di

Veç Adamit

Në qytetin im

Jetojmë me dritën e diellit

Mbrëmjet na tretin diku

Ku miza bren hekurin.

NJË EMËR

Askush s‘mundet të na e ndalë

Të Kemi një emër të përbashkët

Një tokëjonë dhe një flamur të çendisur

Nga një Marigonë

Trashëgim na e lanë gjyshër e baballarë

Shqipërinë për ta bashkue ne bijtë e saj krenar.

DHE VARGU

Dhe vargu ka ngrit kokën

Kaluan disa ditë

Që ai me mua nuk është mirë

E më u rikthye i vie keq

Se është edhe pak për dreq

Po, pa të unë s’mund të jetoj

U ndala të mendoj

S`jetohet pa ajr

E hiq pa bashkim të tokës e kokës,

commentFirst article
Sot mund të lexoni Shfletoni kopertinat