Karvani i shkrimtarëve “Agim Deva” në Mitrovicë

Kultura

Karvani i shkrimtarëve “Agim Deva” në Mitrovicë

Më: 28 maj 2022 Në ora: 11:51
Karvani i shkrimtarëve “Agim Deva”

Karvani i Shkrimtarëve për Fëmijë "Agim Deva" po e realizon me shumë sukses misionin e vet letrar, duke vizituar shkollat anembanë Kosovës dhe në bashkëpunim me nxënësit po organizon orë letrare cilësore e të rëndësishme për afirmimin e letërsisë dhe nxitjen e krijuesve të rinj!

Pas Pejës, Skënderajt, Klinës, Prizenit Zhupës, Suharekës..., Karvani vizitoi edhe Mitrovicën dhe mbajti orë letrare shumë të suksesshme me nxënësit e shkollës "Andon Zako Çajupi".

Drejtori i shkollës Mustafë Haziri mirëpriti shkrimtarët: Xhevat Syla, Ibrahim Kadriu, Jonuz Fetahaj, Çerkin Ibishi dhe Skënder Zogjaj, të cilët bashkë me nxënësit, lexuan krijimet e tyre të zgjedhura poetike. Në këtë takim letrare mbresa të forta lanë krijimet e fëmijëve që pasqyronin se në shkollën "Çajupi" të Mitrovicës ka talentë që sinjalizojnë se, në të ardhmen mund të bëhen emra të nderuar të letërsisë.

Komunikimet e poetëve me nxënësit krijues dhe personelin e shkollës ishin vërtetë miqësore. Për të mos u harruar ishte bibliotekistja e shkollës, Afërdita, e cila bën punë të madhe për shtimin e fondit të librave, sidomos të titujve të rinj, që mungojnë dhe ka kërkesa të mëdha nga nxënësit. Karvani i Shkrimtarëvë për Femijë "Agim Deva" në krye me shkrimtarin Xhevat Syla është manifestimi më i madh dhe më efektiv letrar në Kosovë e më gjerë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat