Në oborrin tënd po vallëzon vjeshta!
Si qilim persian gjethet shtron për qark
Pranë oxhakut, ti lexon të miat letra...
Dhe humbesh kujtimeve, atje larg!
Janë zbehur puthjet, që të dërgoja
Fjala të dua, thjesht një rimë poeti!
Kënga jonë që mes mallit dëgjoja...
Në një shirit magnetofoni mbeti!
Në oborrin tënd, po vallëzon vjeshta
Si qilim persian, gjethet shtron përqark,
Unë shkruaj për ty, të fundit letra...
Vulosur me lotët, që rrjedhin, pak nga pak!