Këmbëngultësia e shqiptarëve për të mbrojtur tokën e të parëve të tyre

Kultura

Këmbëngultësia e shqiptarëve për të mbrojtur tokën e të parëve të tyre

Nga: Sami Arifi Më: 30 qershor 2022 Në ora: 08:40
Sami Arifi

Pavarësisht fatkeqësive, sulmeve, pushtimeve, aneksimeve të trojeve shqiptare, edhe pse shqiptarët u ngushtuan shumë në aspektin e hapësirës së tyre territoriale, ata gjithmonë egzistojnë, vazhdojnë t’i ndjekin traditat pa e harruar kulturën dhe gjuhën e tyre shumë mijëvjeçare... Nga ana tjetër shqiptarët edhe në agimin e këtij shekulli, anë e mbanë ku janë, ata nuk rreshtinë së kërkuari territoret e tyre të pushtuara nga popujt e ardhur ose të dhënë atyre nga traktatet apo marrëveshjet e detyruara nga Fuqitë e Mëdha në dëm të popullit shqiptar në fundin e shekullit XIX dhe fillimin e shekullit XX.

-Këmbëngultësia e shqiptarëve për të mbrojtur tokën e të parëve, me shpirtin e tyre luftarak për të mbetur të lirë dhe të pavarur është ndjenjë krenarie e pashuar, e lindur nga që rrjedh prej etnisë tepër e lashtë pellazgo-iliro-arbrore duke ruajtur gjuhën, kulturën, zakonet, doket si dhe folklorin e tyre, kostumet me zanafillë ilire që ende gjenden në vise të shumta ballkano-danubiane...

-Me letësi vrehet se pas më shumë se pesë mijë vitesh pellazgjishtja e lashtë përjeton përgjithmonë në shqipën e sotme... Shqipja është një foshnje e gjallë, dëshmi e asaj që dikur ishte gjuhë e popullsive parahelene, pra shqiptarët janë pasardhës të atyre që nga njerëzia ata kishin shkelur të parët tokën e Azisë, Afrikës Veriore dhe të Evropës...

-Vijimësia politike e shqiptarëve tregon se pas vdekjes së Skënderbeut otomanët pushtuanë Shqipërinë dhe mbetën për një kohë të gjatë në Shqipëri, qysh prej vitit 1479 deri në vitin 1908. Lëvizjet për pavarësinë e vendit dhe luftërat kundër pushtuesit nuk rreshtën deri në shekullin XX. Luftë e ashpër u zhvillua në vitet 1905-1912 deri në kryengritjen e përgjithshme të 28 nëntorit të vitit 1912, datë kjo e shpalljes së Pavarësisë së Shqipërisë për tërë territoret shqiptare...

-Nga Konferenca e Ambasadorëve në Londër, edhe se ishte këmbëngulse Austro-Hungaria për hapësirë gjithpërfshirëse të shqiptarëve në një shtet, prapseprap u caktua një Shqipëri e cunguar më 29/07/1913 territorialisht ku për këtë caktim morën pjesë Fuqitë e Mëdha. Shqiptarët u ndjenë të zhgënjyer sepse Fuqitë e Mëdha favorizuan Serbinë, Greqinë dhe Malin e Zi, pa mbajtur parasysh realitetin etnografik...

-Më 7 mars 1914 nga Fuqitë e Mëdha u vendos në Durrës Vilhelm fon Vidi, princ gjerman që i përkiste familjes së Elizabetës së Rumanisë, ai u caktua në krye të shtetit të ri shqiptar, por pas marrjes së Vlorës nga kryengritësit shqiptarë, më 7 shtator princ Vidi e la me shpejtësi Shqipërinë...

-Formimi i shtetit shqiptar ishte pa me një sy të keq nga Serbia dhe Greqia, derisa Shqipëria gjatë Luftës së Parë Botërore u bë fushëveprim i betejave. Në tetor të vitit 1914 Italia pushton portin e Vlorës dhe ishullin e Sazanit, megjithatë marrëveshjet e lidhura nga Traktati i Londrës më 26/04/1915 parashikonin shpërbërjen e Shqipërisë, marrëveshje kjo sekrete. Grekët pushtuan jugun e Shqipërisë, ushtria serbe sulmoj Shqipërinë qendrore dhe ushtria malazeze pushtoi Shkodrën; në vitin 1916 ushtria e Austro-Hungarisë e pushtoi Shqipërinë veriore dhe ushtria italiane hyri në Gjirokastër. Pastaj ishte radha e ushtrisë franceze, e udhëhequr nga Franshet d’Esperei, i cili pushtoi qytetin e Korçës dhe e mbajti deri në vitin 1918. Më 10 janar 1916 u shpall Republika e Korçës nga Themistokli Gërmenji.

-Më 18/01/1919 u hap në Paris “Konferenca e Paqes”, më 5 qershor shqiptarët i rrethuan italianët në Vlorë, italianët në mosmundësi rezistence pranuan të tërhiqen nga Vlora. Shqipëria në dhjetor të vitit 1920 u pranua në Lidhjen e Kombeve të Bashkuara. Po në këto vite grekët i dhanë goditje të fortë etnisë shqiptare të Epirit, duke i transferuar shqiptarët në masë me dhunës të papar për në Turqi, ku disa dhjetëvjeçarë më vonë edhe Serbia në mënyrë të përgjakshme bëri prap “spastrim etnik” të shqiptarëve në Kosovë...

-Më 16 qershor 1924, Fan S. Noli nuk njohu rezultatin e zgjedhjeve të vitit 1923, mori pushtetin me dhunë dhe përmbysi qeverinë e Vrionit. Disa muaj më vonë në dhjetor të vitit 1924 Noli hoqi dorë nën presionin e lëvizjeve prozogiste, kështu që Ahmet Zogu i cili kishte ikur në Serbi u këthye prap dhe mori pushtetin i ndihmuar nga forcat serbe, ai u bë president i Republikës në vitin 1925. Zogu më 27 nëntor 1926 nënshkroi paktinë e miqësisë dhe sigurisë me Italinë. Ai nënshkroi me Italinë edhe paktin e dytë, traktatin e aleancës për mbrojtje më 22 nëntor 1927 në vazhdimsi prej 20 vitesh. Zogu më 25/08/1928 ai u shpall mbret i shqiptarëve Zogu I dhe e qeverisi vendin deri më 7 prill 1939 derisa Shqipëria u pushtua po në këtë ditë nga Italia e Musolinit.

-Më 8 nëntor 1941 në fshehtësi u krijua partia komuniste shqiptare. Më 8 shtator 1943 Italia fashiste kapitulloi, shumica e forcave italiane iu dorëzuan forcave naziste gjermane që hynë në Shqipëri. Komunistët në Shqipëri patën sukses dhe imponuan pushtetin e tyre në dëm të forcave të tjera të reristencës shqiptare.

commentFirst article
Sot mund të lexoni Shfletoni kopertinat