Po ikin dallëndyshet
Në vendet e ngrohta,
Neve nga Lugina…
Nuk na njeh as bota!
Sikur të na njohe
Çfarë fitimi kemi?
Kur jemi shpërndarë
Si kokrra bademi!
Ku mbet edukata
Morali dhe nderi?
Na ndjek si hije
Inati dhe sherri!
Ashtu të përçarë
N’parti e shoqata,
Dallimet mes nesh
-Si dita dhe nata!
Tani që po ikë
Rinia jashtë vendi,
Ja rrassha ku s’duhet
Edhe këtij pushteti!
E fton popullatën
Të dalë n’regjistrim,
Kur ajo shpërngulet
N’heshtje në mërgim!
Pastaj e nxjerr gjuhën
Si lopatë të gjatë,
Për Këshill Kombëtar
Edhe një mandat!
Medvegja na iku
-Kah sytë - këmbët,
Edhe Bujanocit
Po i bien dhëmbët!
Po mbetet Presheva
-Si në bri të dhisë,
Për t’mos i humbur
Gjurmët e etnisë!
Sevdail Hyseni
(Karikatura marrë nga interneti)
