Intriga

Kultura

Intriga

Nga: Sevdail Hyseni Më: 1 tetor 2022 Në ora: 09:13
Foto ilustrim

Njoh disa njerëz

Këndej prej Lugine,

Që e kanë shprehi

Intrigën pas shpine!

Ata nuk u ngopën

Me lavd e pushtet,

Duke joshur veten

Si kripa në det!

Përpara buzëqeshja

Shkëlqen si ylber,

Kurse n’prapavi

Veprimi me sherr!

Nuk heqin dorë

Për të qenë të parë,

Edhe n’komunizëm

Ishin bajraktarë!

Nuk e kanë vështirë

Këta njerëz parazitë,

Duke thur’ intriga

T’ngjiten në pozitë!

Sa me Beograd

Po aq me Prishtinë,

E kanë vënë n’siklet

Popullin në Luginë!

Ndaj, njerëzit po ikin

Jo, pse s’kanë idare,

Po s’mund t’i mbajnë

Shefat me kollare!

Përçahet shoqëria

Për faqe të zezë,

Me fanatikë tipikë,

Xhelozë e t’pabesë!

Kur fillon e ashpër

Fushata në politikë,

Gabimisht i fusin

Vetes një intrigë!

Sevdail Hyseni

(Karikatura marrë nga interneti)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat