Xhubleta shqiptare pasuri botërore, etnografja: Universalizimi i veshjes kërkon kujdes dhe bashkëpunim me specialistët

Kultura

Xhubleta shqiptare pasuri botërore, etnografja: Universalizimi i veshjes kërkon kujdes dhe bashkëpunim me specialistët

Më: 30 nëntor 2022 Në ora: 16:29
Etnografja dhe studiuesja xhubletës për gjysmë shekulli Afërdita Onuzi

Etnografja dhe studiuesja xhubletës për gjysmë shekulli Afërdita Onuzi anëtarësimi i xhubletës në e UNESCO e cilëson si lajm të jashtëzakonshëm, e ku e ka bërë të jetoi emocione të veçanta, por ajo nuk harron të kujtoi paraardhësit nga Rrok Zojzi, Andromaqi Gjergji, Agim Bido.

Lajmin për anëtarësimin e dosjes së dije bërjes artizanale të xhubletës në listën e Trashëgimisë Kulturore Jomateriale nën mbrojtjen e UNESCO-s, Onuzi thotë se e ka marrë nga ish ambasadorja e Francës , e cila posedon një xhubletë.

Përfitimet nga përfshirja në pasurinë botërore të xhubletës janë projektet dhe financimet për vazhdimësinë e dije bërjes, pasi specialistja thotë se Prodhimi i xhubletës tradicionale me të gjithë parametrat e saj ka ndalur në vitet ’50 apo ’60 . Prodhimi i një xhubletë kërkonte tetë muaj.

Detyra kryesore e cila duhet të nis që në fillim të vitit të ardhshëm sipas etnografes është bashkëpunimi i Ministrisë së Kulturës me specialistët, për të trajnuar artizanët.

Xhubleta nga muzeu dhe arkivat e koleksionistëve me marrjen nën ruajtje nga UNESCO, pritet që të rizgjohet prodhimi i saj artizanal. Në arkivin e Institutit të Antropologjisë ruhen rreth 33 xhubleta, ndërkohë që një numër i konsiderueshëm është pjesë e koleksionistëve privat.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat