Neve, në mërgatë,
zemra për fatin e Kosovës
na dhemb –
jo si atyre atje,
që të tërbuar pas pushtetit
mendojnë veç për vete.
Kosovën –
tokë për të marrë,
e fqinjëve –
për t’ia falur!
Këto ditë,
pas përfundimit
të zgjedhjeve të përgjithshme,
më 9 shkurt 2025,
vijnë lajme edhe më të trishta:
Partitë shqiptare
pranojnë ta lënë në dorë
Listës Serbe
të vendosë për qeverinë
e ardhshme të Kosovës.
Edhe dëshmorët,
edhe martirët e kësaj toke,
që në luftën e fundit
flijuan jetën
për pavarësinë,
janë të indinjuar –
kur shohin partitë politike
të përplasen mes vete
edhe atëherë
kur janë në pyetje
interesat madhore
të popullit të Kosovës!
