Pisnota
Pas pavarësisë së Kosovës,
Këtë të keqe
Politikanët kosovarë
Ia detyruan vendit
Ta përpijë me heshtje.
Kush e pranoi
Këtë njollë të zezë
Për hir të Serbisë
Në tryezat ndërkombëtare?
Thonë: Edita Tahiri,
Negociatorja
Me palën serbe
Në ato takime vendimtare.
Kur e pyetën Edin:
"Pse e pranuat
Një njollë kaq të rëndë
Për pavarësinë e Kosovës?"
Ajo u përgjigj shkurt:
"Kjo fusnotë
Do të shkrihet në fund të vitit
Sikur bora në pranverë."
Por kjo nuk ndodhi.
Edhe pas kaq vitesh
Në konferencën e Tiranës
U pa qartë ku ishte vendi i Kosovës:
Me damkën ende në ballë.
Për këtë,
Qortuan edhe Edi Ramën,
Kryeministrin shqiptar.
Por ai tha:
"Këtë s’e solla unë,
E gjeta në mesin tuaj.
Prandaj,
S’mund t’jua heq dot."
