Në Festën e Plisit të Bardhë
Sikur të bardhët e vezës
Do të bashkohen shqiptarët
Prej Preshevës e Prevezës
E pse mos t’jenë bashkë
Në këtë ditë historike
Aty ku shpaloset Plisi
I lashtësisë mitike
Që të parët tanë
Këndej e matanë deti
E bartnin mbi kokë
Si kartë identiteti
Mbi Malin e Dajtit
Te Parku i Tiranës
Ikona e veshjes kombëtare
Në kulm të jehonës
Kjo nismë Bytyçase
Është me shumë thesare
Dita e 27 Gushtit
Merr ngjyrë mbarëkombëtare
Le të jetë në traditë
Për çdo vjet me radhë
Ta festojmë së bashku
Festën e Plisit të Bardhë
Sevdail Hyseni
(Kjo poezi i kushtohet nismës së Shoqatës Mbarëkombëtare “Bytyçi”, Tiranë-Prizren, për ta shpallur “Festën e Plisit të Bardhë”, si një festë mbarëkombëtare shqiptare, e cila do të mbahet të dielën e fundit të muajt Gusht, në ditën e 27-ë, në Malin e Dajtit mbi Tiranë)