Koreodrama “Lulet e Marsit”, një perlë e re në “Gjerdanin” e Ansamblit “Shota” - Bota Sot
Koreodrama “Lulet e Marsit”, një perlë e re në “Gjerdanin” e Ansamblit “Shota”

Kultura

Koreodrama “Lulet e Marsit”, një perlë e re në “Gjerdanin” e Ansamblit “Shota”

Më: 6 mars 2018 Në ora: 15:32
Ansambli „Shota“, me premierë të re për „Epopenë e UÇK-së“

Udhëheqësi Artistik i Ansamblit „Shota“, Ylber Asllanaj, pas tregimit të koreodramës „Lulet e Marsit“, në lokalet e AKKV „Shota“, e ka quajtur atë si një perlë të re në „Gjerdanin“ e Ansamblit. Me saktësisht, me datë 5 Mars, në lokalet e Ansamblit është mbajtur para-premiera e koreodramës së titulluar „Lulet e Marsit“, e punuar nga koreografi Xhemali Berisha dhe me muzikë dhe orkestrim të Ylber Asllanajt. 

Kjo premierë është punuar ekskluzivisht për nderë të 20 vjetorit të „Epopesë së UCK-së“  dhe rënies heroike të komandantit legjendar Adem Jashari dhe familjes së tij.  Vet koreografi Berisha, para shfaqjes i  është falënderuar  Trupës Artistike të Ansamblit që e kanë realizuar këtë premierë për diç me tepër se një muaj. Ai në veçanti ka falënderuar udhëheqësin artistik për bashkëpunimin dhe muzikën e mrekullueshme, që sipas tij është „ çelësi i suksesit“  të shfaqjes si dhe drejtorin e posa zgjedhur Shefqet Gjocaj për bashkëpunim të suksesshëm dhe idetë e parashtruara për disa segmente të vet  libretit dhe titullimit të koreodramës.

Kjo koreodramë vë në spikamë luftën dhe sakrificën sublime të tre brezave të familjes Jashari, duke filluar me prologun e Shaban dhe Zahide Jasharit, dhe bekimin që ata i japin Ademit  për rezistencë. Vazhdon me ekspozenë e përgatitjes për rezistencë dhe rezistencës së armatosur të burrave dhe grave të familjes Jashari dhe përfundon simbolikisht me një homazh të 13 fëmijëve (numri i fëmijëve të vrarë të familjes Jashari në datat 5,6 dhe 7 Mars 1998), të cilët skenikisht paraqitën me nga një lule dhe një qiri, përderisa krye-personazhi, i luajtur nga solisti i Ansamblit Besnik Grajcevci, shndërrohet në lapidar. Kjo konform simbolikës tashmë të njohur „Ai është i gjallë“.

Premiera e kësaj shfaqjeje do të jetë në gala-koncertin që organizohet në Skenderaj, me datë 7 Mars ndërkaq sipas planit të punës së Ansamblit, parashihet edhe një premierë tjetër në Prishtinë, gjatë këtij muaji.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test