Të martën vjen premiera e filmit mbi zemrën e kaltër të Evropës

Kultura

Të martën vjen premiera e filmit mbi zemrën e kaltër të Evropës

Më: 4 maj 2018 Në ora: 19:16

Premiera e filmit Blue Heart, filmi i cili dokumenton betejën për të shpëtuar “Zemrën e kaltër të Evropës”, do të shfaqet në Kino ABC më 10 maj në ora 18:30.Blue Heart dokumenton betejën për lumin më të madh në Evropë-Vjosa e Shqipërisë-përpjekjet për të shpëtuar Rreqebullin e rrezikuar të Ballkanit në Maqedoni dhe gratë e Krushqices, Bosnje dhe Herzegovinës, të cilët po mbajnë një protestë 24-orëshe për një muaj, për të mbrojtur burimin e vetëm të ujit të freskët të komunitetit.

“Më shumë se 3,000 diga dhe diversione të hidrocentraleve janë të propozuara ose po ndërtohen në lumenjtë e fundit të Evropës në Ballkan dhe do të shkaktojnë dëme të pakthyeshme për lumenjtë, kafshët e egra dhe komunitetet lokale”, thuhet në njoftim.

Para filmit do të jetë një hyrje dhe bisedë e shkurtër nga Ellen Frank-Lajqi nga ERA group për Hidrocentralet në Kosovë. Dhe pas filmit, do të ketë një panel diskutimi me panelistët: Fatos Lajci (ERA), Dajana Berisha (FIQ) dhe Behare Bajraktari RTK.

Filmi është transmetuar në anglisht me intervista në gjuhën shqipe dhe boshnjake / maqedonase, me titra shqip. Hyrja do të jetë falas ndërsa donacionet për të mbështetur fushatën për të ndaluar hidrocentralet e paqëndrueshme në Kosovë mund të bëhen në ngjarje ose drejtpërdrejtë në ERA: 

Ambientalistët ka kohë që së bashku me banorët po kërkojnë shpalljen e një parku kombëtar përgjatë luginës së Lumit Vjosa me synimin për të penguar planet për projekte hidroenergjetike mbi lum. Madje për këtë ka filluar edhe fushata “Të shpëtojmë zemrën e kaltërt të Evropës, lumejtë e Ballkanit”. Fushata përqendrohet në një zonë që shtrihet nga Sllovenia.

commentFirst article
Sot mund të lexoni Shfletoni kopertinat