Festivali i Muraleve ka ndryshuar pothuajse për 50 qind pamjen e qytetit të Ferizajt. Piktorë e piktore, të angazhuar deri në pikën e fundit, kush më shumë e kush më pak, me pikturimet e tyre i dhanë pamje evropiane qytetit.
Gjithsesi në fokus bie edhe një shkrim i ish mësuesit të mirënjohur, Skënder Haliti, që jeton e vepron në Zvicër.
Bardha Goga
Ai thur dy fjalë të bukura për dy artistë të rinj e me perspektivë. “Ferizaj në frymën e ‘MURAL FEST-2018’, dy të rinj, që premtojnë shumë për stilin e ri artistik! Bardha Goga fotografe, e cila me fotografinë po ngjitet shpejt e sigurt në majet e suksesit të fotografisë moderne.
Tjetri, Arbër Ademi, jo rastësisht e indentifikoj me lokomotivë, që drejton projekte madhore rinore, të cilat afrojnë me rininë europiane.
Arbri, Bardha e Skënder Haliti
Dhe, kur bisedon me ta, zbulon talentin, pasionin, vullnetin e pa thyeshëm në çdo rrethanë, për të shtyrë projektet përpara”, shkruan Haliti.