Festivali ‘Rolling Film’, këtë vit do të ketë edicionin e 5-të të tij dhe gjatë tri ditëve do të sjellë 25 filma.
Edicioni i pestë i festivalit sjellë së bashku 25 filma, dokumentarë, fiction dhe filma të metrazhit të shkurtë, që tregojnë histori unike të karaktereve. Producentët në filmat e tyre flasin për Romët, por historitë e individëve janë universale.
Krijuesit e filmave ndërkombëtarë dhe vendorë, si dhe ekspertët - do të jenë prezent për të diskutuar rolet e tyre në filma gjatë 3 ditëve të shfaqjeve të filmave.
Në një njoftim që zyrtarë të këtij festivali kanë bërë, është potencuar se përveç programit të rregullt të filmit, do të prezantohet edhe një vizion i rinisë Rome përmes fotografisë dhe pikturës.
Ky festival organizohet nga Roma Versitas Kosova dhe Romawood.
