Në komitete
Kur punuat
Tash sa vjet
A u kujtuat
Se kujt i shërbëni
Me ato kërcënime
A shkaut, a këtij vendi
Me të famëshmet diferencime
Shpejt depërtuat
Në shkolla dhe uzina
Aktivitetin filluat
Me shkie e shkina
Punët e armikut
Për t’ia kryer
More të vërbuarë
Ore të paftyrë
E ju “prokurorë” “demuza”
Kur u thoshte komiteti
Keni ngritur aktakuza
Për t’u ruajtur pushteti
Ndërsa ju në gjykata
I dënuat studentët
Për të drejtat demostrata
Në shërbim të shkaut
Përmes komitetit
Ia kthyet shpinën vëllaut
E i ndihmuat serbit
E ju të sigurimit
Punuat ditë e natë
Përhir të vëllazërim-bashkimit
Asnjë shqiptar s’e keni lënë rëhat
Përenduan ato kohëra
Dhe dual n’shesh e vërteta
Sa kujt iu shua votra...
-------------------------------
Andaj, shqiptar me kokë mendo
Kurrë pasllavizmit më mos i beso!
*demuz-a-derr,i/a