Dekorimet në prag të festave të fundvitit kanë përfunduar edhe në komunën e Bujanocit.
Kanë përfunduar dekorimet në Komunën e Bujanocit, dhe sheshi kryesor tashmë duket shumë bukur përderisa kjo komunë ka falënderuar të parin e komunës së Prishtinës, Shpend Ahmetin dhe komunën në përgjithësi për donacionin e dhuruar.
Përmes një postimi në faqen zyrtare në rrjetin social Facebook, kjo komunë ka njoftuar se, dekorimi i sheshit ka përfunduar falë përkushtimit të komunës dhe donacionit të siguruar nga Komuna e Prishtinës.
Tutje u tha se fëmijëve të Bujanocit iu është mundësuar të përjetojnë çaste të mrekullueshme përgjatë këtyre festave.
Njoftimi i plotë pa ndërhyrje:
Ka përfunduar dekorimi i Sheshit në qytetin e Bujanocit
Bujanoci, falë përkushtimit të komunës dhe donacionit të siguruar nga Komuna e Prishtinës, rrespektivish kryetari i saj Shpend Ahmeti, sonte po duket më bukur se çdoherë më parë.
Fëmijëve të Bujanocit iu është bërë e mundur të përjetojnë çaste të mrekullueshme përgjatë festave të fundvitit.
