Lideri i Partisë Republikanë të Kosovës, Faton Kurti e ka komentuar marrëveshjen e djeshme Kosovë-Shqipëri për pikat doganore, e cila do të shkrijë në një kontrollim doganor të njerëzve dhe mallrave.
E këtë Kurti, e quan populizëm politik të dy qeverive tona.
Sipas tij, kjo është vetëm show televiziv, duke i hedhur popullit kafshata që nuk kapërdihen.
“Lëvizja e kabinave doganore më afër njëra-tjetrës në kufirin Kosovë - Shqipëri, nuk është asgjë tjetër përveçse populizëm politik i dy qeverive tona!
Show televiziv kinse kemi veç një kontroll është sajesë, kontrollet e dyfishta nuk reshtin.
Mjaft i hodhët këtij populli kafshata që nuk kapërdihen.
Po aq afër janë edhe kabinat doganore në kufirin, Kosovë- Serbi!
Edhe më afër janë në kufirin Shqipëri - Mal të Zi!”, shkruan Kurti në Facebook, transmeton gazeta “Bota sot”.
