Në Serbi s’kanë dilema, Thaçi dhe Haradinaj janë bashkë për taksën 100% - Bota Sot
Në Serbi s’kanë dilema, Thaçi dhe Haradinaj janë bashkë për taksën 100%

Lajme

Në Serbi s’kanë dilema, Thaçi dhe Haradinaj janë bashkë për taksën 100%

Më: 9 janar 2019 Në ora: 23:36
Hashim Thaç, Ramush Haradinaj

Nënkryetari i Listës Serbe, Igor Simiq ka thënë se premtimi i mëhershëm i presidentit të Kosovës, Hashim Thaçi se do ta ndryshojë kursin sa i përket taksës, paraqet trillim.

Ai ka theksuar se të gjithë anëtarët e qeverisë së Kosovës që i takojnë “partisë së tij” kanë votuar për vendosjen e taksës.

Simiq ka thënë se dora e djathtë e Thaçit dhe kryetari i Kuvendit të Kosovës, publikisht ka thënë se propozimi i kryeministrit Ramush Haradinaj ka qenë që taksa të jetë 30 për qind, kurse ai ka insistuar që të bëhet 100 për qind.

“Kjo është lojë klasike i policit të mirë dhe policit të keq në të cilën njëri aktron se se si nuk i urren serbët dhe i respekton ata si bashkëbisedues, para se gjithash ekipin tonë negociator dhe presidentin Aleksandar Vuçiq, kur flitet për bisedimet në Bruksel, e në anën tjetër, Haradinaj do ta përçojë rrymën e fortë e cila duhet të krijoj kushte të tilla që jeta e serbëve në Kosovë të jetë e rëndë”, ka thënë Simiq.

Në anën tjetër, analisti serb, Dragomir Anxhelkoviq ka thënë për “blic” se është e qartë që ndërmjet Thaçit dhe Haradinaj ekziston marrëveshje.

“Duket se Thaçi nuk do ta pranontë i pavarur rolin jopopullor që të njoftoj për lajme të këqija. Kështu, njëri e mban, tjetri lëshin pe, ndërsa ne pak nga pak po bëjmë lëshime, dhe asgjë s’po përfitojmë”, thekson Anxhelkoviq. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...