Hoxha takon homologun austriak, merr përkrahje për vizat - Bota Sot
Hoxha takon homologun austriak, merr përkrahje për vizat

Lajme

Hoxha takon homologun austriak, merr përkrahje për vizat

Më: 29 janar 2019 Në ora: 15:58
Dhurata Hoxha dhe Gernot Blümel

Ministrja e Integrimit Evropian, Dhurata Hoxha në Vjenë ka takuar Ministrin e BE-së, Art, Kulturë dhe Media të Austrisë, Gernot Blümel me të cilin diskutoi për procesin integrues të Kosovës dhe në veçanti rëndësinë e vendimit për liberalizimin e vizave për qytetarët e Kosovës nga BE-ja pas plotësimit të të gjitha kritereve.

Hoxha theksoi se mbështetja e Austrisë është tejet e rëndësishme për Kosovën dhe institucionet e saj.

“Ne kemi dëshmuar përkushtimin tonë se duam të zbatojmë reformat, MSA-në, fuqizimin e sundimit të ligjit dhe ngritjen e cilësisë së jetës së qytetarëve tanë, ne kemi nevojë për përkrahjen e procesit integrues si dhe integrimin në organizatat ndërkombëtare, por në veçanti kemi nevojë që BE të mbajë fjalën e dhënë e të mos mbajë të izoluar qytetaret tanë, ceku ministrja Hoxha duke kërkuar serish përkrahjen e Austrisë për procesin e vendimmarrjes për liberalizimin e vizave.

Nga ana e tij, ministri austriak vuri në dukje përkrahjen e Austrisë për procesin integrues. Ai e rikonfirmoi përkushtimin e Austrisë për liberalizimin e vizave për kosovarët, zgjerimin e BE-së në Ballkanin perëndimor, ku Kosova trajtohet e barabartë me vendet tjera në rajon.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...