(E plotësuar) - Thirrja telefonike e shumëpritur nga Shtëpia e Bardhë mësohet se ka shkuar keq dhe me tone të rënda.
Kjo ka shqetësuar partnerët e koalicionit qeveritarë, të cilët i kanë dhënë vetes dy ditë kohë për të gjetur një zgjidhje të përbashkët, për kalimin e kësaj situate.
Liderët e koalicionit qeveritar do të takohen edhe nesër dhe taksa të pritet të pezullohet, më së largu javën e ardhshme.
Ndërkohë, bëhet e ditur se në telefon me kryeministrin Haradinaj, ka folur personalisht këshilltari Nacional për Siguri i Presidentit Donald Trump, John Bolton.
Siç shkruan Metro, në takim është biseduar për tejkalimin e situatës brenda dy ditëve, dhe janë ndarë detyrat për ta tejkaluar këtë situatë të pakëndshme me sponzorin kryesor të Pavarësisë së Kosovës, Shtetet e Bashkuara të Amerikës.
Java e ardhshme, do të jetë fundi i imponimeve tarifore ndaj Serbisë dhe kjo përgjegjësi do t’i ngarkojë të gjithë partnerët e koalicionit, dhe jo vetëm Haradinajn.
Një propozim më i arsyeshëm, është dukur ai i të parit të PDK-së, Kadri Veselit, i cili si modalitet për ta tërhequr taksën, ka propozuar masën e reciprocitetit për 120 ditë, e kjo si këmbim për fitim të garancës amerikane për procesin e bisedimeve.
Telefonatë për Thaçin e Haradinajn nga Shtëpia e Bardhë
Derisa partnerët e koalicionit qeveritar aktualisht gjenden në një takim të përbashkët, raportohet se një telefonatë e rëndësishme pritet të ndodhë sot nga Shtëpia e Bardhë.
Këtë telefonatë nga Washingtoni sipas asaj që raporton Klan Kosova pritet ta bëjë, John Bolton, këshilltari i presidentit të SHBA-vë, Donald Trump, me tre liderë të ndryshëm që kanë të bëjnë me Kosovën por edhe me Shqipërinë.
Një telefonatë John Bolton pritet ta realizojë me presidentin e vendit Hashim Thaçin, kryeministrin e vendit Ramush Haradinajn si dhe kryeministrin e Shqipërisë Edi Ramën.
Nuk dihet nëse ende është zhvilluar kjo telefonatë por siç merr vesh Klan Kosova tema kryesore e kësaj bisede telefonike mund të jetë çështja e dialogut mes Kosovës e Serbisë.