Familja e një 26-vjeçareje kishte tre ditë që e kërkonte atë, pa e ditur se ajo kishte humbur jetën në vaskën me ujë të ngrohtë që ndodhej në bahçen e shtëpisë.
Babai i Ella-Louise Tunney njoftoi policinë kur u bind se e bija ishte zhdukur nga shtëpia e tyre në Eton Wick, në Berkshire të Britanisë.
“Mirror” shkruan se familjarët e kërkuan kudo, në zonën përreth, telefonuan në punën e saj, shërbimi financiar i firmës Alpha FX, ku ajo punonte si drejtuese, me shpresën se do ta gjenin, por nuk patën sukses.
Policia vendase shkoi tre ditë më pas për të kontrolluar në shtëpi, e kur ata ngritën mbulesën e një vaske të ngrohtë, gjetën 26-vjeçaren brenda saj. Ella kan rënë aty aksidentalisht pasi i ka rënë të fikët.
Në fakt familjarët e 26-vjeçares kanë kaluar disa herë aty pranë, por fatkeqësisht nuk u ka shkuar mendja që të kontrollonin pasi ishte e mbuluar.
Lidhur me këtë, hetuesit janë shprehur se vaska ishte e mbuluar pasi era kishte hedhur mbi të një mbulesë, duke fshehur kështu trupin e Tunney.
Ndërkohë mediat e huaja shkruajnë se 26-vjeçarja ishte diagnostikuar që në moshë të vogël me epilepsi, megjithatë ia kishte dalë që ta mbante nën kontroll falë mjekimeve.
Në fillim të hetimeve u mendua se e reja mund të ishte vrarë, por nga ekzaminimi mjeko-ligjor rezultoi se shkaku i vdekjes kishte qenë mbytja, pasi 26-vjeçarja kishte pësuar një krizë epilepsie.
“Mirror” shkruan se Tunney humbi jetën verën e vitit të shkuar, por ngjarja u bë publike së fundmi, pas një hetimi gjyqësor mbi vdekjen e saj.
