Kryeministri i Republikës së Kosovës, Ramush Haradinaj, gjatë qëndrimit në Munich ku po merr pjesë në Konferencën për Siguri, është takuar me Kryeministrin e Maqedonisë Veriore, Zoran Zaev.
Ai këtë takim e bëri të ditur përmes një postimi në rrjete sociale duke shkruar se, Kosova qëndron e përkushtuar në ndërtimin e një rajoni stabil dhe në këtë drejtim marrëdhëniet me fqinjin tonë jugor janë të shkëlqyera!
Postimi i plotë
Në kuadër të konferencës së Sigurisë në Munih, pata kënaqësinë të takoj edhe kryeministrin e Maqedonisë Veriore, Zoran Zaev.
Mikun dhe homologun tim maqedonas, e urova edhe njëherë për nënshkrimin e dokumentit të parë konkret që i hap rrugë anëtarësimit të Maqedonisë së Veriut në NATO.
Kosova qëndron e përkushtuar në ndërtimin e një rajoni stabil dhe në këtë drejtim marrëdhëniet me fqinjin tonë jugor janë të shkëlqyera!
RH