Gazetari pro rus vazhdon fushatën kundër Kosovës, komentuesit e bombardojnë me simbole shqiptare - Bota Sot
Gazetari pro rus vazhdon fushatën kundër Kosovës, komentuesit e bombardojnë me simbole shqiptare

Lajme

Gazetari pro rus vazhdon fushatën kundër Kosovës, komentuesit e bombardojnë me simbole shqiptare

Më: 10 mars 2019 Në ora: 08:34
Graham Phillips

Graham Phillips, gazetar britanik pro rus, tash e disa kohë është duke bërë fushatë kundër Kosovës në rrjete sociale.

Madje siç ishte raportuar pak kohë më parë, ai kishte vizituar Kosovën nga ku kishte realizuar një dokumentar.

I njëjti në profilin e tij ka shumë postime nga ku bën fushatë kundër Kosovës.

Ai nuk heziton që udhëheqësve shtetëror të Kosovës t’u referohet si ‘kriminelë”.

Madje, ai në një intervistë ka thënë se turpërohet që vije nga një vend që e ka përkrahur shtetin e Kosovës.

E siç duket nga raportimet e shumta të mediave për fushatën e tij anti shtetërore, kosovarët e kanë kërcënuar përmes rrjeteve sociale.

Kjo në bazë të një postimi që ai ka shkruar së fundmi në Facebook.

“Ju me të vërtetë nuk më njihni. Ju mund të më shkruani sa kërcënime që të doni, unë do të vazhdoj. Bota duhet ta dijë që unë do ta them të vërtetën për Kosovën dhe Metohinë. Përballuni me faktet”, ka shkruar ai në një postim në Facebook.

E shqiptarët i kanë reaguar edhe në këtë postim.

Që nga sharjet e fyerjet, e deri tek postimi i fotografive të ish-komandatëve të UÇK-së janë komentet që komentuesit i kanë lënë gazetarit britanik pro rus.

Image
Image
Image
Shfaq komentet
comments powered by Disqus
Sot mund të lexoni Shfletoni kopertinat