Fshati Karaçevë e komunës së Kamenicës, është në pikën kufitare me Serbinë.
Andaj fshatarët e këtushëm po thonë se çdo ditë janë në rrezik nga lëvizjet e serbëve në këtë pjesë.
Përfaqësuesi i fshatit Karaçevë Selver Lenjani ka thënë për Ballkani.info se për rrezikun e banorëve nga serbët i është drejtuar me një shkresë të gjitha Ambasadave në Kosovë, Zyrës se BE-së dhe asaj të NATO-s në Bruksel.
“Banorët e zonës nuk janë të sigurt në pronat e tyre dhe pasuritë e paluajtshme, ndërsa siguria e tyre çdo ditë është e cenueshme. Lëvizja e serbëve këtu bëhet pa u kontrolluar nga askush” thuhet në letrën drejtuar shumë institucioneve vendore e ndërkombëtare, nga përfaqësuesit e këtij fshati.
Fshati Karaqevë numëron 3200 banorë. Ndërkaq sipas përfaqësuesit të kësaj pjese në Kosovë Selver Lenjani, mbi 170 pronarë tokash rrezikojnë ti humbin parcelat e tyre për shkak që ato po merren nga Serbia.
