Ish-komandanti i Ushtrisë Çlirimtare të Kosovës, deputeti Zafir Berisha, thekson se ideja për themelimin e Tribunalit për krimet serbe të kryera gjatë luftës në Kosovë është tallje me qytetarët.
Sipas tij, kjo po bëhet për konsum të politikës ditore.
Ja postimi i plotë:
Ideja për themelimin e një Tribunali ndërkombëtar për dënimin e krimeve serbe të kryera gjatë luftës në Kosovë, tallja e radhës me qytetarët e stërlodhur të Kosovës!
Kisha me besu po të flitej për ndonjë iniciativë për plotësim-ndryshim të ligjit lidhur me “Gjykatën Speciale” aktuale... por kur kemi parasysh se si themelohen “Tribunalet” dhe kostoja financiare për funksionimin e tyre, atëherë nuk ka si me i besu në “malifeve” të tilla të cilat po bëhen për konsum të politikës ditore.
