Pas ndalimit të sotëm të dy zyrtarëve serbë të Qeverisë së Kosovës nga Policia e Serbisë në pikën kufitare Dheu i Bardhë, ka reaguar Partia e Pavarur Liberale.
Sot sërish u ndalën zyrtarët e partisë serbe e cila operon në Kosovës, përmes një komunikate per media ata ka thënë se nuk i kupton përpjekjet e frikësimit dhe të keqtrajtimit të anëtarëve të vet që bartin funksione publike në Kosovë nga policia e Serbisë.
“Partia e Pavarur Liberale nuk i kupton këto përpjekje për frikësim e keqtrajtim dhe kush e di për të satën herë kërkon përgjigje nga presidenti i Serbisë, kryeministrja dhe shefi i Shërbimit të Agjencisë informative, pse përfaqësuesit e lartë të kësaj partie politike po ndalohen në hapësirat policore të Serbisë nëpër vendkalime. Presim reagimin konkret të BE-së dhe të institucioneve të tjera vendore e ndërkombëtare lidhur me këto keqtrajtime të anëtarëve të Partisë së Pavarur Liberale”, thuhet në komunikatë.
Për këtë rast ka reaguar edhe kryeministri Ramush Haradinaj.
Ai është shprehur se është i papranueshëm keqtrajtimi i zyrtarëve të Qeverisë së Kosovës nga autoritetet serbe.
“Keqtrajtimet e vazhdueshme të autoriteteve serbe janë provokim dhe agresion i Serbisë ndaj Kosovës. Kjo tregon se politika agresive e Serbisë nuk ka të ndalur dhe bllokuesit kryesor të normalizimit të marrëdhënieve janë autoritet serbe”, ka shkruar Haradinaj.