Drecun: Quinti u përpoq të minimizonte rezultatet e zgjedhjeve në veri

Lajme

Drecun: Quinti u përpoq të minimizonte rezultatet e zgjedhjeve në veri

Më: 22 maj 2019 Në ora: 12:15
Milovan Drecun

Milovan Drecun, kryetar i të ashtuquajturit Komision parlamentar për Kosovën në Kuvendin e Serbisë ka thënë se bashkësia ndërkombëtare duhet të respektojë vullnetin zgjedhor të popullit serb në Kosovë.

Ai ka vlerësuar se njoftimi i përbashkët i vendeve të Quintit për zgjedhjet për kryetarët e katër komunave në veri të Kosovës ishte përpjekje për të minimizuar rezultatet e arritura nga Lista Serbe.

Duke komentuar vlerësimin e ambasadave të Francës, Gjermanisë, Italisë, Britanisë së Madhe dhe Shteteve të Bashkuara se zgjedhjet e zhvilluara të dielën në katër komuna , kaluan në një atmosferë të qetë, por se ka çështje të pazgjidhura lidhur me zgjedhjet e vitit 2017, Drecun për TV Pink theksoi se në këtë mënyrë vendet e Quintet tregojnë se “nuk janë të kënaqur me rezultatet e zgjedhjeve”.

Për deklaratën e vendeve të Quintit ka reaguar dje edhe presidenti serb, Aleksandar Vuçiq i cili e ka quajtur “budallallëk”.

commentFirst article
Sot mund të lexoni Shfletoni kopertinat