Vuçiq: Kemi humbur Kosovën, por kemi fituar Veriun dhe Luginen e Preshevës

Lajme

Vuçiq: Kemi humbur Kosovën, por kemi fituar Veriun dhe Luginen e Preshevës

Më: 28 maj 2019 Në ora: 11:46
Aleksandar Vuçiq

Serbia duhet të pranojë realitetin që e ka humbur kontrollin mbi Kosovën, dhe duhet të gjejë një kompromis për të normalizuar raportet me Prishtinën, ka thënë presidenti i Serbisë, Aleksandar Vuçiq në Parlamentin e Serbisë të hënën.

“Ne duhet të pranojmë që jemi mposhtur… Kemi humbur territorin”, ka thënë Vuçiq gjatë seancës speciale të dedikuar për Kosovën. “Unë kam zgjedhur të mos vazhdojë me gënjeshtra dhe mashtrime. U kam thënë të gjithëve: S’ka autoritete serbe në Kosovë përveç spitaleve dhe shkollave”.

Presidenti serb ka folur edhe për dialogun mes dy vendeve, raporton “Reuters”.

“Kemi dy opsione – të normalizojmë raportet duke arritur një marrëveshje ose të mbajmë konfliktin e ngrirë”, u ka thënë ai deputetëve.

Vuçiq më tej ka thënë se do të duhet të kalojnë vite para se një marrëveshje me Kosovën të arrihet. Ai ka thënë se Serbia do të presë deri kur Prishtina të heqë taksën 100 për qind dhe më pas do të kërkojnë një kompromis. Çdo zgjidhje duhet të kalojë përmes referendumit.

“Ne do të pyesim njerëzit të thonë atë që mendojnë për një zgjidhje kompromisi të mundshëm në një referendum”, ka thënë ai.

Shumica e partive opozitare bojkotuan seancën, në shenjë proteste “ndaj sundimit autokratik të Vuçiqit”. Ata e akuzojnë Vuçiqin për mbytje të lirisë së medias dhe mbylljen e syve ndaj nivelit të lartë të korrupsionit. Vuçiq ka mohuar akuzat.

Gordana Çomiq, deputete e Partisë Demokratike në Serbi, ka thënë se Vuçiqi po përpiqej të tregonte një lloj marrëveshje me Kosovën që mund të bëhet shpejtë për të kënaqur Bashkimin Evropian.

“Kjo është krijimi i atmosferës për njoftimin e ‘marrëveshjes gjithëpërfshirëse ligjore’ në pak muaj… përpara formimit të Komisionit të ri Evropian”, ka thënë ajo. Vucic dit eme pare ne APA ka deklaruar se  s’ka sivjet marrëveshje me Kosovën. Lugina e Presheves mbetet nën Serbi, Veriu i Kosovës frymon sikur nën Serbi, trasnmeton agjencia e lajmeve “Presheva Jonë”

commentFirst article
Sot mund të lexoni Shfletoni kopertinat