Për zëvendësministrin e FSK-së, Burim Ramadanin, ndëhyrja e NATO-së, është suksesi më i madh i treguar prej se funksionon si forcë ushtarake, shkruan “Bota Sot”.
Siç shprehet ai, tregimi për Kosovën është tregimi më i suksesshëm në histori të ndërhyrjeve ndërkombëtare e të udhëhequr nga bota demokratike.
Postimi plotë i Burim Ramadanit:
Kosova, suksesi më i madh historik i intervenimit ndërkombëtar
Tregimi për Kosovën është tregimi më i suksesshëm në histori të ndërhyrjeve ndërkombëtare e të udhëhequr nga bota demokratike. Kosova është suksesi historik.
Një popull dhe vend i vogël, që literalisht u shpëtua edhe falë ndërhyrjes së vendeve demokratike, tashmë 20 vjet më pas është plotësisht i gatshëm të ndihmojë paqen, sigurinë e stabilitetin kudo nëpër botë.
Tashmë, 20 vjet më pas, është e përkushtuar që krah-për-krah me shtetet demokratike, SHBA-në, NATO-n, BE-në e pse jo edhe me OKB-në të kontribuojë për paqe e siguri në zona të ndryshme kudo nëpër botë.
Populli dhe shteti mirënjohës për mbështetjen që ka marrë, është plotësisht gati për të dhënë mbështetje për të tjerët.
Ky është tregimi i Kosovës.