Ministri i Jashtëm i Serbisë, Ivica Daçiq, ka thënë se, Kosova e ka synim që të fitoj Trepçën.
Kështu ka deklaruar në një intervistë për Zërin e Amerikës, mbrëmë pas seancës së Këshillit të Sigurimit të OKB, teksa ka shtuar se, një nga qëllimet mund të ishte vendosja e pajisjeve të ndryshme shpërthyese në veri të Kosovës.
“Ka njohuri të tilla dhe ne e kemi ndarë këtë me partnerët perëndimorë dhe ata e dinë të gjithë këtë. Kjo është një sfidë e madhe dhe për këtë arsye unë paralajmërova KFOR-in, sepse detyra e tyre është të mbrojë të gjithë qytetarët, pavarësisht nëse janë serbë apo shqiptarë, për të parandaluar një sulm në veri të Kosovës. Nëse KFOR nuk e bën këtë, ne jemi në rrezik të madh për destabilizimin e të gjithë rajonit” tha Daçiç, transmeton gazeta “Bota sot”.
Si një nga veprimet e tilla, Daçiq gjithashtu foli edhe pë veprimin e fundit të policisë së Kosovës, në të cilën, siç vuri në dukje, janë përdorur më shumë se 70 mjete luftarake dhe forca e zbatuar kundër atyre që ishin të paraburgosur.
“Në sesionin e Këshillit të Sigurimit, pa marrë parasysh sa shumë simpati apo jo ndaj Prishtinës, shumica dërrmuese e anëtarëve dënuan sjelljen e anëtarëve të UNMIK-ut, folën për imunitetet, sepse ata gjithashtu duhet të mbrojnë personelin e OKB-së në të gjithë botën”, tha Daçiq.
Daqiq tha se qëllimi i tij është të paralajmërojë bashkësinë ndërkombëtare që KFOR-i të merr masa, sepse, ai është kompetent prandaj është i pranishëm në Kosovë.
“Ne nuk do të dëshironim të ishim në situatën që KFOR-i nuk dëshiron të përmbushë atë që është e nevojshme dhe pastaj lind pyetja se Serbia duhet të konsiderojë që Rezoluta 1244 nuk ka më kuptim, sepse ata nuk do të mbrojnë serbët. Pastaj Serbia duhet të mbrojë popullin e saj. Kjo na mban duke shkuar më tej dhe më tej në eskalimin e problemit. Kjo është arsyeja pse mendoj dhe shpresojmë se kjo nuk do të ndodhë fare dhe ne vazhdimisht paralajmërojmë që ambiciet e Prishtinës duhet të kontrollohen për të parandaluar këto plane për të parandaluar vendet e reja të punës në rajon”, tha Daçiq.
