Deputeti i Parlamentit të Kosovës, Ilir Deda, ka uruar për njëzet vjetorin e çlirimit. Ai ka thënë se nderimi më i madh që mund t’i bëhet Bill Clintonit është kuptimi dhe realizimi i fjalës së tij: Ne e fituam luftën, ju fitoni paqen, shkruan “Bota sot”.
Postimi plotë i Ilir Dedës:
Në 20 vjetorin e çlirimit falenderimi më i madh që mund t’i bëhet Bill Clintonit është kuptimi dhe pastaj veprimi drejt realizimit të pjesës së dytë të fjalisë së tij “Ne e fituam luftën, ju fitoni paqen”.
Shteti i kapur nuk është fitore e paqes.
Zhvatja nuk është fitore e paqes.
Milionerët në politikë me para të vjedhura nuk është fitore e paqes.
Nepotizmi nuk është fitore e paqes.
Padrejtësia e përditshme sociale nuk është fitore e paqes.
Mungesa e sistemit të drejtësisë nuk është fitore e paqes.
Pabarazia nuk është fitore e paqes.
Tentimi për prishje të integritetit territorial nuk është fitore e paqes.
Pandëshkushmëria nuk është fitore e paqes.
Arsimi i keq nuk është fitore e paqes.
Shëndetësia e dobët nuk është fitore e paqes.
Ikja nga Kosova nuk është fitore e paqes.
Në këtë 20 vjetor të çlirimit, duhet të ketë vendim kolektiv për fitore të paqes, që 21 vjetorin ta festojmë si fitues.