Kryetari i Kuvendit të Kosovës, njëherit edhe kryetar i PDK-së, Kadri Veseli, nëpërmjet një postimi në Facebook, ka prezentuar projektin e Stadiumit Kombëtar të Kosovës.
Sipas tij, ky projekt, ndër më të bukurit në Ballkan, tregon se Kosova po ndërton të ardhme.
Postimi plotë i Kadri Veselit:
Stadiumi Kombëtar i Kosovës nuk është më një ëndërr. Sot e prezantuam projektin e tij, e së shpejti fillojmë edhe ndërtimin. Ky projekt i jashtëzakonshëm, më i bukuri në Ballkan, tregon se shteti i Kosovës po ecë përpara, po ndërton të ardhmen. Kombëtarja e Kosovës, me suksesin e saj, me punën e jashtëzakonshme dhe ekipore, është shembull se bashkë realizojmë qëllimet tona. Përgëzoj ministrin Kujtim Gashi për përkushtimin e madh që ky projekt të jetësohet. E gëzofshim arenën e dardanëve!
