Pas raportit të DASH, Peci u bën thirrje kolegëve për zbatim të Udhëzuesit për Politikë Ndëshkimore

Lajme

Pas raportit të DASH, Peci u bën thirrje kolegëve për zbatim të Udhëzuesit për Politikë Ndëshkimore

Më: 21 qershor 2019 Në ora: 11:09
Enver Peci

Pas publikimit të Raportit të Departamentit Amerikan të Shtetit, lidhur me trafikimin me qenie njerëzore kryetari i Gjykatës Supreme, Enver Peci, njëherësh kryesues i Komisionit për Politikë Ndëshkimore, kërkon nga të gjitha akterët e sistemit të drejtësisë, posaçërisht nga gjyqtarët dhe prokurorët, që ta marrin parasysh dhe ta zbatojnë këtë Udhëzues.

“Gjyqësori ka zvogëluar numrin e përgjithshëm të lëndëve të grumbulluara dhe Gjykata Supreme ka miratuar Udhëzues për Politikë Ndëshkimore, në përpjekje për të siguruar që gjykatësit të aplikojnë faktorë rëndues dhe lehtësues, në mënyrë korrekte dhe të barabartë, duke përfshirë rastet e trafikimit”, thuhet në Raportin e sapo-publikuar të DASH, sipas të cilit, “gjyqtarët vazhduan të vendosin dënime të dobëta për trafikantët e dënuar”.

Ndaj, në kuadër të gjetjeve të evidentuara në këtë raport të rëndësishëm për Kosovën, dhe në kuadër të përpjekjeve të vazhdueshme për të unifikuar politikën ndëshkimore në vend, Peci, bën thirrje publike për kolegët gjyqtarë dhe prokurorë, që të zbatojnë Udhëzuesin e Gjykatës Supreme, për Politikë Ndëshkimore, si një mjet i lehtë dhe efikas për rritjen e cilësisë së vendimeve, dhe mbi të gjitha, për vendosjen me drejtësi, për secilin rast, përfshirë këtu edhe rastet me trafikim të qenieve njerëzore.

commentFirst article
Sot mund të lexoni Shfletoni kopertinat