Policia spanjolle ka shkatërruar një grup grabitësish bankomatesh, pjesë e të cilit janë edhe katër shqiptarë.
Ata përdornin një automjet “pirun” për të shkatërruar bankomatet në rrugë.
Anëtarët e grupit, katër shqiptarë, dy serbë dhe një spanjoll, akuzohen për kryerjen e 9 krimeve për vjedhjen me forcë të ATM-ve, 7 krime për vjedhje si dhe për përdorim të paligjshëm të automjeteve, 1 krim për falsifikim të targave si dhe për pjesëmarrje në një grup kriminal.
Vjedhjet e tyre kanë ndodhur në krahinat e Alicante, Albacete, Valencia dhe Murcia. Afërsia gjeografike e vendeve të grabitjes bëri që agjentët të dyshonin se grupi kriminal ndodhej në jug të provincës së Alicante.
Pasi vendosnin se cilin nga bankomatët do të vidhnin, ata e tërhiqnin atë me “pirunin”, duke e nxjerrë nga vendi ku ndodhej.
Pas një kërkimi të kryer në shtëpitë e tyre, në Santa Pola dhe në Almoradi, policia gjeti 14 mijë e 500 euro, aksesorë të ndryshëm dhe sende të tjera.